EL POVER LUISIN

On dì per sta contrada
passava on bell fioeu
e on mazzolin de ròs
l'ha tràa in sul mè poggoeu

E per trìt mès de fila
e squasi tutt i dì
el passeggiava semper
domà per vedèmm mì

Vegnùu el cinquantanoeuv
che guerra desperada
e mì per sta contrada
l'hoo pù vedùu a passà

On dì pioveva vers sera
s'ciopavi dal magòn
quand m'è rivàa 'na lettera
col bord de condiziòn
Scriveva la sorella
del pover Luisin
che l'era mort in guerra
de fianch al Castellin

Inn già passàa trìi ann
l'è mort el vedi pù
però sto pover coeur
l'è chi ancamò per lù